Amerikalı mühəndis Con Kelletin yaratdığı “Baltimore Water Wheel” (Baltimor su təkəri) adlı suüstü qurğu dəniz və çayları çirkab sulardan və müxtəlif növ zibillərdən təmizləməyə qadirdir.
Bir növ “üzən dəyirman”ı xatırladan gəmi müntəzəm olaraq Baltimor çayında üzərək elə onun enerjisi ilə də özünü təmin edir. Bundan əlavə, qurğu günəş panellərinin köməyi ilə də hərəkət edə bilər. Bu unikal qurğu suda sərbəst üzən plastik paketlər, polistirol qablar, siqaret kötüyü və müasir şəhərlərin digər tullantılarını təmizləmək imkanına malikdir.
Təmizləmə funksiyasından əlavə, “Baltimore Trash Wheel” daim fırlanan təkər vasitəsilə suyu həm də oksigenlə zənginləşdirir.
