«Moto E4» və «Moto E4 Plus» smartfonları rəsmi təqdim edilməsə də onlar haqqında ilk məlumatlar var.
İlkin məlumatlara görə, smartfonların hər iki modeli 1,3 QHs takt tezliyi ilə 4 nüvəli MediaTek MT6737M mikrosxem yığımına, IPS displey 5 meqapiksel ön kamerasına malik olacaqlar. Daxili yaddaşı 16 QB həcmə malik olan qurğu «Android 7.1 Noughat» əməliyyat sistemi ilə təmin ediləcək.
«Moto E4» modelinin əsas kamerası 8 meqapiksel,həmçinin 2 QB operativ yaddaş qurğusu var. «Moto E4 Plus» modeli 3 QB əməli yaddaş və 13 meqapiksel əsas kamera ilə təmin edilib. «Moto E4» model smartfonunun qiyməti 150 avro , «Moto E4 Plus» modeli isə 190 avroya əlçatan olacaq. Smartfonun satışa çıxacağı tarix dəqiq deyil.
Qurğu üç rəngdə təsvir edilmişdir: göy, boz və qızılı.
