Populyar mobil messencer olan «Snapchat» videokamerası olan gün eynəyinin satışına başladı.İlk dəfə yeni eynək Avropada-İsveçrə, Böyük Britaniya, Avstriya, Fransa, İtaliya, Almaniya və başqa öndə gedən ölkələrdə satışa çıxarılıb.Eynək ABŞ ərazisində hələ bu ilin əvvəlində 130 dollara təklif edilib.
«Ictinfo.az» «dni24.com»-a istinadən bildirir ki,150 avro qiymətinə olan cihaz «Spectacles» adlanır. Smart eynəklər 10 saniyəlik videolar çəkib onları naqilsiz şəbəkə vasitəsilə smartfona ötürə bilir. “Biz ən kişik və naqilsiz videokameralardan birini yaratdıq. Cihazın bir dəfə enerji yığmasından sonra onun vasitəsilə bütün gün ərzində videolar çəkmək mümkündür” – deyə cihazın təsvirində qeyd olunub. «Spectacles» smartfondakı «Snapchat » tətbiqinə bilavasitə Blethoot ya Wi-Fi ilə qoşulur. Beləliklə cihaz ilə çəkilmiş videolar tez bir zamanda tətbiqə yüklənir və paylaşılır. Bütün eynəklər eyni ölçülərdə olacaqlar. Snapchat-ın təsisçisi və CEO-su Evan Şpigel bu eynəyin prototipini 2015-ci ilin əvvəlindən bəri test edib.
