Hollandiyanın Eynthoven Texologiya Universiteinin tələbələri dünyada ilk təbii kətan materialdan hazırlanan «Lina» adlı avtomobil hazırlayıb. Təbii avtomobilin əsas özəlliyi onun konstruksiyalarının kətan lifi əsasında hazırlanmasıdır. «TomTom» şirkətinin maliyyə dəstəyi ilə hazırlanan layihə haqqında Niderland Teleradioyayım Korporasiyası (NOS) məlumat verib.
«Ictinfo.az» «motor.ru»-ya istinadən bildirir ki, «Lina» cari ayın 8-də Yol Hərəkətinin Təşkili Agentliyi tərəfindən sınaqlardan keçiriləcək. İdarə yollarda avtomobilin idarə edilməsini test edəcək. Layihə üzərində işləyən tələbələr ümid edirlər ki, onların yeniliyi yalnız bütün sınaqları keçməyəcək, həm də gələcəkdə müvəffəqiyyətlə tətbiq ediləcək.
İstehsalçılar danışdılar ki, avtomobilin əsas materialı kətan lifi təşkil edir. Bu material seçimi onun təbii material kimi yanğına dözümlü olmasıdır. Sübut edilib ki, müxtəlif bucaq altında rahat yığılan kətan lifi möhkəmlik üzrə alüminium və karbondan heç də geri qalmır.
