Beşinci nəsil şəbəkələri müasir cəmiyyətin həyatını tam dəyişəcək.Bu texnologiya bütün sahələrə yeniliklər gətirəcək.Bu gün, yol-nəqliyyat hadisələrinin əksəriyyətinin baş vermə səbəblərindən biri uyğun olmayan hava şəraitində yolun sürüşkən olması və pis görünüşdür. Finlandiyanın Texniki Tədqiqat Mərkəzinin tədqiqatçıları «5G» texnologiyasının tətbiqi ilə bu problemlərin aradan qaldırılması istiqamətində ideal bir fikir irəli sürüblər. Onlar avtomobillərə bir-biri ilə hava haqqında məlumatlarla mübadilə etməyə icazə verəcək yeni sistem qurmağı təklif edirlər.
«Ictinfo.az» «belta.by»-a istinadən bildirir ki,sistemdən istifadə üçün sürücüdən heç bir əlavə iş tələb edilməyəcək. Hava və yol şəraiti avtomatik nəqliyyat vasitəsinin sensorlarında qeyd edilərək real vaxtda bütün avtomobillərə ötürüləcək. Beləliklə bütün sürücülər yollarda olan vəziyyət haqqında məlumatlandırılmaqla qəzaların qarşısının alınmasında yeni vasitə olacaq.
