Bu saatlarda ABŞ, Kanada, Puerto-Riko və Koreyada «Samsung Galaxy S8» və «Galaxy S8 Plus» smartfonlarının rəsmi satışına başlanıldı.Yaxın günlərdə digər ölkələr də bu sıraya qoşulacaq.Adətən yeni smartfonların ilk müştərilərindən olan rusiyalılar da bir həftə gözləməli olacaq.
«Ictinfo.az» «hi-tech.mail.ru»-ya istinadən bildirir ki,hər iki cihaz tərəflər nisbəti 18,5:9 olan və 2960×1440 piksel təsvir ölçülü əyri kənarlara malik ekranla təchiz edilib.Böyük modeldə ekranın diaqonalı 6,2, kiçikdə isə 5,8 düymdür.Bu gün satılan smartfonların qiymətinə gəlincə, 5,8-düym «S8» 725 dollara satılır, anacaq 6,2-düym S8+ isə 825 dollara təklif edilir.
Telefonun korpusu metal çərçivəyə malik şüşədən hazırlanıb. İdarəetmə düymələri ekrana inteqrasiya edilib və barmaq izi skanerinin yeri arxa tərəfə keçirilib. Yeni qabaqcıl smartfon gözün qüzehi qişasının skaneri ilə təchiz edilib.
Yeni «S8» smartfonları «IP68» standartına uyğun olaraq su və toza qarşı dayanıqlıdır, yəni telefon 1,5 metr dərinliyində suyun içində 30 dəqiqə qalmaq qabiliyyətinə malikdir.
Yeni smartfonlar iki modifikasiyada əlçatan olacaq: «Samsung Exynos 8895» və «Qualcomm Snapdragon 835» prosessorları ilə. Həmçinin 4 QB əməli və 64 QB daxili yaddaşla təchiz ediliblər. Yaddaş kartı dəstəklənir. Əsas kameranın təsvir ölçüsü 12, ön kamerada isə 8 meqapikseldir. 
Hər iki aparat «Dual Pixel» texnologiyasına malik «f1.7″ linzasına malikdirlər.»Galaxy S8» smartfonu şirkətin «Bixby» səs assistentini dəstəkləyən ilk qurğusudur. Səs assistentini işə salmaq üçün korpusun sol tərəfində xüsusi düymə var. İstehsalçının iddiasına görə, sözügedən assistent bazarda ən «ağıllı»dır və başqa şirkətlərin həllindən son dərəcə fərqlənir. Sistem tədricən «Samsung»un bütün qurğularına, həmçinin soyuducu və kondisionerlərə inteqrasiya ediləcək.
