«Apple IIc» nümayişində çəkilən arxiv fotoları 30 ildən sonra yenidən təqdim edildi.San Francisco «Chronicle» nəşrinin nümayəndələri şirkətin istənilən azarkeşi üçün qiymətli kadrlarları oxucuları ilə bölüşüb. 1984-cü ildə «Moscone Center»-də baş tutan təqdimatda ön kadrlarda Stiv Cobs və Stiv Voznyak görünür.
«Ictinfo.az» «appleinsider.ru»-ya istinadən bildirir ki, onda da «Apple»-ın bütün tədbirləri eyni senar üzrə keçirilib;ilk öncə səhnəyə Cobs çıxaraq məhsulun nümayişinə keçməzdən əvvəl nailiyyətlərdən , o dövr üçün böyük maraqla qarşılanan «Macintosh» kompüterlərinin satışından əldə edilən gəlirlər haqqında danışaraq zalda böyük canlanma yaradırdı. Yeri gəlmişkən qeyd edək ki, «Macintosh 128K» kompüteri tarixə «maus», klaviatura və qrafik interfeysə malik kompüter kimi düşür.Onun ardınca Voznyak çıxırdı və mühəndis nöqteyi-nəzərindən yeniliyin üstünlüklərindən danışırdı.
Sonra mətbuat konfransında jurnalistləri maraqlandıran suallar cavablandırılırdı . İndiki kimi eyni yerdə «Apple IIc » təqdim edilib.
Bu gün də təqdimatlar eyni ssenari ilə davam etdirilir.Sadəcə Stiv Cobsun əvəzinə səhnədə Tim Kuk çıxış edir.
«Apple II» – «alma» şirkətinin kütləvi kimi qəbul edilmiş ilk kompüteridir. Onun istehsalı 1993-cü ildə dayandırılıb və o vaxtadək sözügedən kompüterin bir neçə milyon nüsxəsi satılıb. Əsası 1977-ci ildə qoyulmuş «Apple» şirkəti məhz bu model sayəsində mövcudluğunun ilk on ilində inkişaf etməyə müvəffəq olub. «Apple II» kompüterini rəqiblərindən fərqləndirən əsas xüsusiyyətlərdən biri rəngli qrafikanı dəstəkləməsi idi. İnformasiyanın saxlanılması üçün maqnit kasetlərindən istifadə olunurdu, onlar tezliklə 5 düymlük disketlərlə əvəz edilmişdi.
