Honkonq Baptist Universitetinin alimləri dodaqların hərəkətindən yararalanan yeni biometrik autentifikasiya metodu kəşf ediblər. Son bir neçə ildə tədqiqatçılar informasiya təhlükəsizliyinin təhdidinə görə onun müdafiəsi istiqamətində yeni üsullar tapmağa çalışırlar.Biometrik təhlükəsizlik məqsədilə yaradılan sistemlər barmaqların izlərini və gözün torlu qişasını skan edən ilk qurğuların yaradılmasından, tamamilə yeni metodlara qədər, hətta istifadəçinin ürək döyüntüsünü təhlil edə və insanın beyin fəallığı haqqında informasiyanı ala bilən sistemlərə qədər uzun bir yol keçib.
«Ictinfo.az» «naked-science.ru»-ya istinadən bildirir ki, çoxlarının marağına səbəb olacaq Çin alimlərinin yeniliyi istifadəçinin dodaqlarının hərəkətinin analizinə əsaslandırılmışdır.Patentləşdirilən yeni texnologiya dodaqların özünəməxsus hərəkətlərinin izləyərək istifadəçini tanıya bilir. Texnologiyanın əsas məqsədi dodağın hərəkəti kimi unikal metodan istifadə edərək sistemə müdaxiləyə yol verməyən təhlükəsizlik səviyyəsini yaratmaqdan ibarətdir.
Sistemin ən maraqlı cəhətlərindən biri müxtəlif adamlar tərəfindən deyilən eyni parol şəxsə görə dəyişir.Ən dəqiqliklə hazırlanan sistem kiçik fərqləri belə aşkarlaya bilir.
Dünyanın böyük marağına səbəb olan sistemin ən çox maliyyə sahəsində çalışanları düşündürdüyü bildirilir.Bu texnologiya bankomatlara inteqrasiya edilə bilər. Qeyd edək ki, yuxarıda qeyd etdiyimiz kimi indiyədək insan üzərində müxtəlif təhlükəsizlik metodları işlənilsə də bu unikal metod daha mükəmməl hesab edilir.
