«Sinxua» xəbərlər agentliyinin bildirdiyinə görə, Çində dünyada ən böyük 5G standartlı mobil rabitəsi texnologiyasının eksperimental şəbəkəsi tikilmişdir. Şəbəkənin yaradılması layihəsinin həyata keçirilməsində Çinlə yanaşı başqa ölkələrin xidmət və mobil əlaqə şəbəkələrin tikintisi ilə məşğul olmuş aparıcı müəssisələri iştirak edib.
«China Mobile»in baş direktoru və 5G standartının inkişaf starategiyasına rəhbərlik edən Çin qrupunun rəhbəri Van Syaoyun bildirib ki, böyük beynəlxalq layihədə «Huawei», «Nokia», «ZTE», «Ericsson», «Intel» və «DTT» kimi belə böyük və məşhur şirkətlər iştirak edir. Hal-hazırda artıq şəəkənin 5G texnologiyalarının sınaqlarının birinci mərhələsi kimi əsas simsiz şəbəkə texnologiyalarının texniki mümkünlüyü yoxlanılması başa çatmışdır.İndi sınaqların ikinci mərhələsinə hazırlıq tam sürətlə gedir.
İndi qeyd etmək olar ki, hazırlanan mobil rabitənin beşinci nəsili 7 Qbit/s-ə qədər məlumatların ötürülməsinin sürətinə nail olmağa şərait yaradır. SDN (proqram-müəyyən edilən şəbəkə) texnologiyası növbəti nəsil şəbəkəsinin arxitekturası olacaq.
Rusiyada yeni nəsil şəbəkəsinin ilk sınaqları 2016-cı ilin sentyabrında «Meqafon» operatoru tərəfindən aparılıb. Sınaqların gedişatında məlumatların ötürülməsinin sürəti 4,94 qiqabit saniyəyə nail olunmuşdu.Şəbəkə vasitəsilə 8K Ultra HD (7680 × 4320 nöqtə) imkanıyla panorama çarxı translyasiya edilirdi.
