«Google» şirkətinin qurğularının hazırlaması bölməsinin rəhbəri Rik Osterlo «Pixel» smartfonlarının ikinci nəslinin ilin sonuna kimi təqdim ediləcəyini təsdiq edib. Top-menecer bu barədə məlumatı Barselonada keçirilən Ümumdünya mobil konqressin gedişatında mətbuata açıqlamasında bildirib.
R.Osterlonun sözlərinə görə, istehsalçı qurğuların bazar qiymətini dəyişmək niyyətində deyil.Onlar əvvəlki kimi yuxarı qiymət seqmentində qalacaqlar. «Google»-un planlarında «Pixel»-in büdcə variantı yoxdur.
Ancaq «Pixel» və «Pixel XL» bazara çıxarılanda gələcəkdə qurğuların daha əlçatan versiyalarının istehsal ediləcəyi bildirilmişdi.Hal-hazırda «Pixel» 649-869 ABŞ dollarına təklif edilir.
