Amerika telekommunikasiya korporasiyası «Verizon» artıq yaxın vaxtlarda ABŞ-ın ərazisində 5G şəbəkəsini istifadəyə verməyi planlaşdırır. Birinci mərhələdə test sınaq işləri ölkənin 11 şəhərinin əhalisinə nəsib olacaq.
«İctinfo.az» «vladtime.ru»-ya istinadən bildirir ki, 5G-nin tam olaraq istifadəyə verilməsi 2017-ci ilin ortalarına planlaşdırılır. Ultrayüksək sürətdə interneti Siyetl, Dallas, Atlant, Mayami və Vaşinqtonla yanaşı ətraf ərazilərin sakinləri sınaqdan keçirə biləcək.»Verizon» şirkəti ötən ilin yayında bütün texniki və hüquq anları hökumətlə təqdim edib.
Qeyd edək ki, «5G» şəbəkəsi mövcud «4G» şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan «4G» şəbəkəsindən fərqli olaraq milyardlarla qurğunun qoşulacağı «5G» şəbəkəsi məlumatların yüksək sürətlə ötürülməsini, aşağı yubanma dərəcəsini, eləcə də enerjidən az istifadəni təmin edəcək.
