“Facebook” sosial şəbəkəsinin “Deeptext” adlı süni intellekt sisteminə böyük maraq var. Sosial şəbəkə rəhbərliyi xidmətlərin istifadəsi əmsallarının hesablaması zamanı bu qəanətə gəlib. Bu sistem səhifədəki yazıları və istifadəçilərin mesajlarını təhlil etməklə məşğuldur.Sistemin ən böyük özəlliyi qeyri-qanuni məzmunu özündə saxlayan spamın və xəbərlərin filtrasiyasıyla məşğul olmasıdır.
Məsələn, istifadəçi öz səhifəsində hər hansı bir tikiş maşınının satışı barədə elan yerləşdirmək istəsə, “Deeptext” süni intellekt sistemi məhsulların satışı üçün nəzərdə tutulmuş xüsusi yazı tipi yaratmağı təklif edir.
“Ictinfo.az” “tjurnal.ru”-ya istinadən bildirir ki, “Deeptext” sistemi eyni zamanda “Messenger” proqramında mesaj mübadiləsi üçün daha geniş imkanlar təklif edir.Belə ki, istifadəçi səfər etməklə bağlı nə isə yazsa, adıçəkilən süni intellekt sistemi bu məlumatı “Facebook”un botuna ötürərək istifadəçiyə taksi çağırmağı təklif edir. Qeyd edək ki, sistemin vəzifələrindən biri kontentin fərdiləşdirilməsidir.
“Deeptext” yalnız mətn mesajlarında deyil, həm də şəkillərdə aqressiyanı ayırd edə bilir.
Süni intellekt sistemi saniyədə 20 dildə bir neçə min yazını təhlil edə bilir.
Lakin bəzi hallarda yazışmaların robot tərəfindən oxunulması istifadəçilərin narazılığına səbəb olur.
Belə ki, ötən il mesajların tərkibinin oxunulması və sosial şəbəkə istifadəçilərinin bir-birləri ilə mübadilə etdikləri istinadların skan edilməsinə görə “Facebook” şirkətinə qarşı kollektiv iddia qaldırılmışdı.
