«Microsoft» şirkətinin keçirəcəyi «BUILD 2017» konfransı haqqında bəzi detallar məlum olub. Bir qayda olaraq istehsalçıların top-menecerlərlə və şirkətin aparıcı mühəndislərinin görüşü aprelin başlanğıcında olur,ancaq bu il konfrans mayın 10-dan 12-dək keçiriləcək. Siettledə baş tutacaq,şirkətin sahibi Bil Qeytsin və indiki CEO Satya Nadellanın da qatılacağı konfransda 5 000 istehsalçının toplaşacağı gözlənilir.Tədbirə biletlər bugündən satışa çıxacaq və onların qiyməti təqribən 2 000 dollardan baha olacaq.
«İctinfo.az» «4pda.ru»-ya istinadən bildirir ki, bir qayda olaraq «BUILD» konfransında əsasən «Microsoft»-un fəaliyyətinin bütün aspektləri haqqında məsələlər müzakirə ediləcək.
Bu ildə «buludlular» və intellektual texnologiyalar, süni intellekt, həmçinin bütün qurğularda istifadənin mobil təcrübəsinin reallaşdırması məsələləri ön plana çıxarılacaq. İstifadəçilərin məhsuldarlığının artımı üçün proqramlar haqqında müzakirələr ayrıca aparılacaq. Ola bilər ki, məhz «BUILD 2017»-də «Windows 10»-da dizaynın yenilənməsini gətirəcək «Project Neon»-u təqdim ediləcək.
Şirkət konfransı yer kürəsinin istənilən nöqtəsindən canlı izləmək üçün onlayn-translyasiya təşkil edəcək.
