“ICICI Bank”ın törəmə şirkəti və Hindistanın aparıcı maliyyə şirkəti sayılan “ICICI Securities Ltd.” və kompleksli online-ticarət və investisiyalar üzrə ekspert olan «Saxo Bank» strateji tərəfdaşlıq barədə elan ediblər. Bu əməkdaşlıq sayəsində hind investorları rəqəmsal platforma vasitəsi ilə “Saxo Bank”ın maliyyə və investisiya imkanlarına çıxış əldə edəcəklər. Sözügedən tərəfdaşlıq “ICICI”nin aparıcı investisiya portalı Securitiest.com-un 4 mln. müştərisinə investisiyaları diversifikasiya etmək və çoxsaylı mükafatlara layiq görülmüş “SaxoTraderGO” ticarət platforması vasitəsi ilə xarici bazarların kompleksli investisiya imkanlarına çıxış yaradacaq. Artan qlobalizasiya şəraitində riskləri müntəzəm şəkildə bölmək və müxtəlif ölkələrdə iqtisadiyyatın vəziyyətini nəzərə alaraq bütün coğrafi regionlar və aktiv siniflərin imkanlarını istifadə etmək üçün investorlar diverkasiyaya üstünlük verir. ABŞ, Avropa və Asiya-Sakit okean regionunun inkişaf etmiş ölkələrinə yönəldilən investisiyalar nəinki stabil gəlirli və inkişaf göstəricilərinə görə tanınmış beynəlxalq şirkətlərə sərmayə yatırmaq, həmçinin qısamüddətli investisiya imkanlarından daha effektiv şəkildə istifadə etmək imkanlarını yaradır. “Hindistan – texniki biliyə malik olan əhali ilə dinamik inkişaf edən və investisiya sahəsində çoxalan mütəxəsislər baxımından olduqca vacib bazardır. Hisdistanın aparıcı maliyyə şirkətlərindən biri sayılan “ICICI Securities» artıq öz müştərilərinə dünya maliyyə bazarlarına çıxış imkanı yaradacaq. Sözügedən əməkdaşlıq banklar və brokerlərə bütün dünyada ticarət fəaliyyəti göstərməyə kömək məqsədimizi vurğulayır”, — deyə “Saxo Bank”ın həmtəsisçisi və baş direktoru Kim Furne bildirib. “Demək olar ki, iki onillik ərzində “ICICIdirect” hind investorlarına dərk edilmiş investisiyalar yatırmağı və maliyyə məqsədlərinə çatmaq imkanı yaradır. “Saxo Bank” ilə tərəfdaşlıq sahəsində müştərilərimizə 24 ölkədə səhm, ETF və istiqraz bazarlarında investisiya imkanlarına çıxış yaradacağıq. Əminik ki, bu, onlara Hindistanın xaricində portfellərini diversifikasiya etməyə şans yaradacaq. Əminliklə qeyd edə bilərəm ki, “Saxo Bank” ilə əməkdaşlıq müştərilərmizə biliklərini səmərəli istifadə etməyə və platformanın mükəmməl funksiyalarından yararlanmağa imkan verəcək. Bununla yanaşı, müştərilərimiz dünya bazarlarında geniş çeşiddə investisiya imkanlarına çıxış əldə edəcəklər”, — deyə “ICICI Securities” şirkətinin baş direktoru Şilla Kumar qeyd edib. “SaxoTraderGO» – ticarət dövrü ərzində funksionallığı təmin edən (ticarət öncəsi etapda icra mərhələsində, sövdələşmədən sonra isə ETF, səhmlər, CFD, fyuçers, opsionlar və valyutalar üçün) “OpenAPI” texnologiyasına əsaslanmış “Saxo Bank”ın yeni nəsil ticarət platformasıdır. Platforma bankın qlobal tərəfdaşlarına ticarət və investisiya imkanlarını öz tətbiq və sistemləri ilə inteqrasiya etmək imkanı yaradır. “ICICIdirect.com” maliyyə və investisiya portalıdır və maliyyə məhsullarının intişarı sahəsində bazar lideridir. Hazırda portaldan dörd milyondan artıq hind investoru hind səhmlərinə vəsait yatırmaq üçün mükafata layiq görülmüş texnologiyaların üstünlüklərindən istifadə edir.
