“Samsung” şirkəti Rusiyada ilk internet mağazasını istifadəyə verib.RBK-nın verdiyi məlumata görə, hələlik mağazadan yalnız “Samsung” mobil cihazları – smartfonlar, planşetlər, virtual reallıq eynəkləri, “ağıllı” saatlar və onların aksessuarlarını əldə etmək mümkündür. Şirkət hələ məişət texnikasının satışını planlaşdırmır.“Samsung Mobile”ın Rusiyadakı nümayəndəsi Arkadi Qraf bildirib ki, şirkət öz pərakəndə ticarətini genişləndirmək üzərində çalışır və internet mağazanın açılışı bu istiqamətdə önəmli addımdır. O, bu mağaza vasitəsilə alıcılara daha yaxın olacaqlarını söyləyib.Sifarişlər Rusiyanın bütün ərazisinə çatdırılacaq. 3 min rubldan yüksək sifarişlər üçün çatdırılma pulsuz olacaq. Müştəri sifariş verdiyi məhsulu “Samsung”un real mağazalarından da götürə bilər.
