Verilən məlumatlara görə, «iOS 11» əməliyyat sistemini qurmaq «iPhone»-un bütün sahiblərinə nəsib olmayacaq. Bu əməliyyat sisteminin illik yenilənməsi və mobil qurğuların texniki tələblərinə dəyişikliklərə görə əksər “iPhone” istifadəçiləri onu quraşdırmaq imkanından məhrum olacaq. Təəssüflər olsun ki,“iPhone” smartfonlarının çoxu yalnız “iOS 10” sistemini dəstəkləyəcək.
«Ictinfo.az» «dni24.com»-a istinadən bildirir ki, aparılan Sorğunun nəticələrinə görə, təqribən 44 milyon istifadəçi «Apple»-ın yeni əməliyyat sistemini, şirkətinin köhnəlmiş «iPhone»-a yönləndirməyəcəyi səbəbindən «iOS 11»-in öz qurğularına qurmaq imkanlarına malik olmayacaqlar.
Mütəxəssislər bildirirlər ki, yeni versiya müasir, daha təkmilləşdirilmiş imkanlıqlara hesablanmışdır.Yenilənmiş iOS-da 32 bitlik qurğuların dəstəyində bəzi səhvlər ola bilər. 
«Apple» yenilənmiş əməliyyat sistemi arzu edənlərə «iOS 11»-ə uyğunlaşdırılmış yeni modellər haqqında düşünməyi tövsiyə edilir.
Qeyd edək ki, hələ «Apple» korporasiyası bu barədə «WWDC» konfransında açıqlama verərək bildirmişdi ki, «iPhone 5», «iPad 4» və «iPad Mini 2» kimi qurğuları yeni «iOS 11″ əməliyyat sistemi ilə təchiz edilməyəcək. Konfransda «alma» nəhənginin nümayəndələri «iPhone 5», «iPad 4» və başqa qurğular köhnəlmiş hesab edildiyindən onlar yeni sistemlə təchiz edilməyəcəyini söyləyiblər. Ona görə belə qurğu sahibləri köhnə «iOS 10» əməliyyat sistemiylə kifayətlənməli olacaqlar.
