Bu gün Cenevrədə, Beynəlxalq Telekommunikasiya İttifaqının(BTİ) qərargahında “Genişləndirilən üfüqlər, dəyişən münasibətlər” adlı beynəlxalq tədbir keçiriləcək. Tədbir “İKT Qızlar günü”nə həsr edilib (http://girlsinict.org/).
Qlobal təşəbbüs olaraq, BTİ tərəfindən irəli sürülən “İKT Qızlar günü” bütün sektorlarda uğurlu karyeranın qurulmasında rəqəmli, İKT bacarıqlarının rolu ilə bağlı gənc qızlar və qadınlar arasında məlumatlandırılma səviyyəsinin artırılması məqsədi daşıyır.
Bu tarix 2011-ci ildən etibarən hər ilin aprel ayının dördüncü cümə axşamı BTİ üzvü olan bütün ölkələrdə, o cümlədən Azərbaycanda qeyd edilir.
