2021-ci ildə dünya üzrə 400 milyondan çox SSD cihazının tədarük edildiyi təxmin edilir. SkyQuest hesab edir ki, bu məhsullar göndərilən disklərin ümumi kütləsinin təxminən 60%-ni təşkil edir. 2025-ci ilə qədər, proqnozlaşdırıldığı kimi, bu rəqəm 70%-ə yüksələcək. Bulud provayderləri, korporativ müştərilər və s. arasında SSD-yə tələbat artmaqdadır.
Qlobal SSD bazarında ümumi gəlirin təxminən 55%-i üç əsas oyunçudan — Samsung, WD və Kioxia-dan gəlir. Belə ki, ötən ilin sonunda Samsung-un payı 25,3%, WD — 18,2%, Kioxia — 13,3% təşkil edib. Qeyd olunur ki, təkcə 2021-ci ilin birinci rübündə SSD-lərin satışı təxminən 99,4 milyon ədəd təşkil edib. Müqayisə üçün: eyni dövrdə 64,2 milyon HDD satılıb.
Samsung ötən il ərzində 100 milyondan çox SSD tədarük edib və Cənubi Koreya nəhəngi bu cür məhsulların çeşidini fəal şəkildə genişləndirir. Öz növbəsində, WD keçən il 72 milyondan çox SSD göndərdi. İlk dəfə olaraq şirkətin illik SSD tədarükü 70 milyon ədədi ötüb. SkyQuest analitikləri SSD bazarının yaxın illərdə 14,7% CAGR əldə edəcəyini proqnozlaşdırırlar. Nəticədə 2028-ci ilə qədər qlobal sənayenin həcmi 104 milyard dollara çatacaq.
