«Brand Directory»-nin yeni hesabatında «Apple» 2022-ci il üçün dünyanın ən bahalı brendi seçilib. GSMArena.com yazır ki,tədqiqat şirkəti «Apple»-ı təxminən 355,1 milyard dollar qiymətləndirib.
Qeyd edək ki, nəticə Brand Directory analitikləri tərəfindən hesablanır və brendin yanvarın əvvəlində 3 trilyon dollara çatan həqiqi bazar kapitallaşmasını əks etdirmir.
Dünyanın ən bahalı brendləri:
Apple;
Amazon;
Google;
Microsoft;
Walmart
Samsung Group;
Facebook;
ICBC (Bank of China);
Huawei;
Verizon.
«Apple»-ın brend dəyəri 2021-ci illə müqayisədə 35% artıb. Bu, Brand Directory analitikləri tərəfindən bütün brendlər arasında qeydə alınan ən yüksək nəticədir.
«iPhone» hələ də brendin satışlarının təxminən yarısını təşkil edir. Lakin son bir il ərzində «Apple» başqa məhsullara daha çox diqqət yetirdi: yeni nəsil «iPad»-lar, yenilənmiş «iMac» və «AirTags»-in tətbiqi.»Apple Pay»-dan «Apple TV»-yə qədər xidmətlər çeşidi də daim genişlənirdi ki, bu da brendin uğuruna təsir göstərib.
