“AnTuTu” saytı qabaqcılların reytinqi ilə birlikdə orta qiymət seqmentindəki cihazların iyul testlərinin nəticələrini yekunlaşdırdılar.Bu dəfə siyahının daha fərqli olduğu ortaya çıxdı – HiSilicon Kirin əsasında hazırlanan modellər də daxil olmaqla fərqli istehsalçıların prosessorları olan qurğular liderlik uğrunda mübarizə apardı.
“Android” smartfonlarının iyul reytinqində Çin qurğularından “Xiaomi Mi11 Lite” 5G versiyası 531.960 bal toplayıb.O,8 GB RAM və 128 GB daxili yaddaşla təchiz olunmuş “Snapdragon 780G” mobil platforması üzərində qurulmuşdur. 
Demək olar ki, 25 min xal fərqlə ikinci yeri eyni prosessorlu “Honor 50 Pro”, üçüncü yeri isə onun baza versiyası tutub.
İlk ən məhsuldar orta səviyyəli qurğular arasında “Dimensity 900” prosessorlu “OPPO Reno6 5G”,” Redmi 10X 5G” (Dimensity 820), həmçinin “realme Q3 Pro”, “OPPO K9 5G” və” Snapdragon 768G” çipli “iQOO Z3” var. Reytinqin son sırası 438 624 və 431 250 balla “HUAWEI nova 8 Pro” və “nova 8” modelləri tutur.
