«Ictinfo.az» «ferra.ru» saytına istinadən bildirir ki,»KGI Securities» şirkətinin analitiki Minq-Çi Kuo (Ming-Chi Kuo) «Apple»-ın gələcək smartfonları haqqında öz fikirlərin bölüşüb.
Analitikin fikrincə, 2018-ci ildə «Apple» öz smartfonlarını LTE standartlı mobil əlaqənin daha yüksək sürətlə təmin edəcək «Intel XMM 7560» və «Qualcomm Snapdragon X20» modemləri ilə təchiz edəcək. Hər iki çip 4×4 MIMO texnologiyanı dəstəkləyir, halbuki «iPhone»-un cari qurğuları 2×2 MIMO istifadə edir.Bundan başqa, Minq-Çi Kuo qabaqcadan xəbər verir ki, 2018-ci ildı «Apple» iki SIM-kartı dəstəkləyən qurğunu reallaşdırır. Bu halda hər iki SIM-kart çiplərin yalnız bir yığımından istifadə edərək eyni zamanda LTE rejimində işləyə biləcək.
Proqnozlara görə, iki yeni model 5,8 və 6,5 düym diaqonallı (bir düym üçün müvafiq olaraq 458 və 480-500 piksel təsvir ölçülü) “OLED” ekranla, üçüncü model isə 6,1 düym diaqonallı (bir düym üçün 320-330 piksel) “LCD” displeylə təchiz ediləcək.Bildirilir ki, dizayna görə hər üç smartfon “iPhone X” modelinə bənzəyəcək. Bundan başqa, onlar “True Depth” kamerasına malik olacaq.
Ekspertin proqnozuna görə, “LCD” modelinin qiyməti 649-749 dollar arasında dəyişəcək. “OLED” modellərinin ehtimal olunan qiyməti barədə məlumat verilmir.
“KGI Securities” şirkətinin əvvəlki proqnozuna görə, “Apple” şirkəti 2018-ci ildə “Touch ID” texnologiyasından (smartfonun barmaq izinə görə blokdan çıxarılması) imtina edərək “Face ID” (smartfon istifadəçisinin sifətini tanıyır) texnologiyasından istifadəyə keçəcək. Bundan əlavə, “OLED” modelləri üçün paslanmayan poladdan təkmilləşdirilmiş korpusun hazırlanacağı gözlənilir.
