«Li-Fi» ilə tanış olun. Onunla məlumatlar 100 dəfə daha sürətli ötürülür və bu, radiotezliklər hesabına deyil, işığın köməyi ilə baş verir.
Elektrik və Elektronika Mühəndisləri İnstitutu (IEEE) Li-Fi 802.11bb adlı yeni simsiz standartı qəbul edib. Bu barədə Tom’s Hardware yazır.
Li-Fi məlumatları ötürmək üçün radio dalğalarından deyil, işıqdan istifadə edir. Transmitter LED-lampalar, monitorlar və digər işıq yayan cihazlardır. Siqnal qəbuledicisi LED-lərin titrəməsini «tutur» və fotonları yenidən məlumatlara çevirir.
Yeni simsiz standartın tərəfdarları onu adi Wi-Fi və ya 5G-dən daha sürətli, daha etibarlı və təhlükəsiz seçim adlandırırlar. Laboratoriya sınaqlarında mütəxəssislər 224 GB/s məlumat ötürmə sürətinə nail ola biliblər. Bununla belə, ekspertlər əmindirlər ki, Li-Fi öz sələflərini tam əvəz edə bilməyəcək, çünki onlar məlumatların uzaq məsafələrə ötürülməsində daha yaxşıdırlar.
