İnternetdə çərçivəsiz “Xiaomi Mi 7” smartfonunun ilk şəkilləri yayılıb.”ICTinfo.az” “vistanews.ru”-ya istinadən bildirir ki, smartfonun Barselonada keçiriləcək “MWC” sərgisində təqdim olunması gözlənilir.
Tərtibatçılar telefonu çərçivəsiz ekranla, şüşə korpusla və barmaq izləri üçün skanerlə təchiz ediblər. İlkin məlumatlara əsasən, cihazı 5,5 düym həcmli çərçivəsiz AMOLED ekranla təchiz edəcəklər. 
“Mi 7” smartfonu “Qualcomm”-un “Snapdragon 845” prosessoru ilə işləyəcək. Smartfonun əməliyyat yaddaşı 6 və ya 8 GB təşkil edəcək. Onun əlavə yaddaşı isə 64 və ya 128 GB olacaq. Smartfonun arxa panelində 16 meqapiksel həcmində ikili kamera yerləşəcək.
