“Facebook” və “Twitter” axtarış prosesinin və məlumatların filtrasiyasının yaxşılaşdırılması məqsədilə “Google First Draft” xidməti əsasında kütləvi informasiya vasitələrinin tərəfdaşlıq şəbəkəsinə qoşulublar.İKT.lent.az-ın “The Guardian”a istinadən verdiyi xəbərə görə, tərəfdaşlıq şəbəkəsi yanlış məlumatların yayılmasını önləmək məqsədilə informasiyaların axtarışı və yoxlanılması prosesinin təkmilləşdirilməsinə kömək etməlidir. Bundan başqa, KİV-in hadisələrin şahidləri ilə koordinasiya səviyyəsi də gücləndirilə bilər.
“Şəbəkə jurnalistlər üçün yaradılan xidmətlər, alətlər və məhsulların nümayiş etdirilməsi, eləcə də məlumatların əldə edilməsi işini yaxşılaşdırmağın təmin olunmasında “Facebook”a kömək edəcək”, – deyə şirkətin nümayəndəsi Ayne Kerr söyləyib.
Artıq “Telegraph”, “New York Times”, “Washington Post”, “BuzzFeed News” da daxil olmaqla, 20-dən çox qurum şəbəkəyə daxil olub.
