Startap Azərbaycan Təşkilat Komitəsi bildirir ki, Startap Azərbaycan 2016 müsabiqəsində qeydiyyat başa çatıb. Müsabiqəyə qeydiyyat martın 1-dən aprelin sonuna qədər aparılıb. Startap Azərbaycanın Təşkilat Komitəsi bildirir ki, bu il müsabiqəyə ümumilikdə 45 layihə müraciət edib.Bu ilki qaydalara görə yalnız fəaliyyətdə olan, ilkin versiyası hazır olan layihələr (saytın və ya mobil tətbiqin demo versiyası olan, yalnız ideyadan, prototipdən ibarət olmayan layihələr) müsabiqədə iştirak edə bilər. Həmçinin Startap Azərbaycan Təşkilat Komitəsi elan etmişdi ki, qeydiyyatdan keçən layihələr ekspertlərin qiymətləndirməsi məqəsdilə startapları barədə ətraflı məlumat əlavə etməlidir. TK bildirir ki bəzi startaplar qaydalara uyğun olaraq təqdim olunmayıb. TK bildirir ki, qaydalara uyğun olan 20 startap layihəsi müsabiqədə iştirak hüquqi qazanıb və bu layihələr 1-ci mərhələ qiymətləndirmə üçün eskpertlərə göndərilib.Startapların 1-ci mərhələ qiymətləndirməsində Startap Azərbaycan Ekspert Komissiyasının 11 ekspertinin iştirakı nəzərdə tutulub.Ekspertlər startap komandaları tərəfindən təqdim edilən layihə məlumatları əsasında layihənin ideyası və davamlılığı, cəlbedici olması, riskləri, gəlirliliyi, əhatə dairəsi, komandanın təcrübəsi və s. istiqamətlər üzrə təhlil edərək ilkin qiymətləndirmə aparacaqlar.Ekspertlərin qiymətləndirməsinin nəticələrinə əsasən, Startap Azərbaycan TK-nın qərarı ilə yarımfinalçılar seçiləcək və seçilən layihələr Startap Azərbaycan yarışmasında mübarizəni davam etdirmək statusu qazanacaqlar.
Ekspertlərə qiymətlənirmə üçün 10 gün vaxt verilib.
Qiymətləndirmə 10 ballıq sistem ilə aparılır.Yarımfinalçılar seçildikən sonra 2-ci mərhələ qiymətləndrimə prosesi başlayacaq və bu mərhələdə onlar ekspertlər qarşısında qısa müddətli təqdimatlar edəcəklər. Bu qiymətləndirmənin nəticələri əsasında Startap Azərbaycan 2016 finalçıları müəyyən olunacaq.
Qaliblərin təqdmiatının , həmçinin Startap Azərbaycan yekun təqdimat mərasiminin və ənənəvi Startap Azərbaycan milli konfransının, finala çıxan startaplarla investorların qapalı görüşünün may ayının sonunda keçirilməsi planlaşdırılır. Startap Azərbaycan 2016 Müsabiqəsində iştirak hüquqi qazanan layihələri təqdim edirik:SIYAHI
Startap Azərbaycan Layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir.
Startap Azərbaycan-ın Akademik partnyoru ADA Universitetidir.
ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər.
