“Google şirkəti 2014-cü ili versiyayla müqayisədə böyük dəyişiklikləri gətirəcək “Android Wear 2.0” bazasında çalışan ilk “ağıllı” saat təqdim etdi.Artıq amerikalılar bu gündən, digər ölkələrin istifadəçiləri isə bir neçə həftəfən sonra yeni qurğuları əldə edə biləcəklə.Bu saatlar bazarda .
“İctinfo.az” “sotovik.ru”-ya istinadən bildirir ki, hər iki model bənzər dizayna malikdir. Onlar dairəvi displeyə sahibdir və 4 GB yaddaş, fırlanan yan düymə, “Google Assistant” səs köməkçisi, toz və nəmdən müdafiə funksiyaları ilə təchiz olunub.
“Style” modeli daha kompakt ölçüsü və nazik korpusu ilə fərqlənir. O, 1,2 ölçülü, 360*360 piksel OLED-displey, 512 MB operativ yaddaş və 240 mAs həcmli akkumulyatora malikdir. “Watch Style” gümüşü, qızılı-çəhrayı və titan rənglərində buraxılır.
LG Watch Sport
“Watch Sport” modeli isə daha iri və “Android Wear” sayəsində daha güclüdür. Saat 1,38 ölçülü, 480*480 piksel OLED-displeyə, 768 MB operativ yaddaşa, 430 mAs həcmli akkumulyatora nəbz ölçənə malikdir. Saat 3G və 4G şəbəkələrini, GPS və NFC-ni dəstəkləyir. Saatdan “Android Pay” vasitəsilə ödəniş etmək mümkündür. “Watch Sport” tünd göy və titan rənglərində buraxılacaq.Mobil şəbəkələrin dəstəyi “Watch Sport”-un daha bir xüsusiyyəti oldu, ona görə qurğu tamamilə smartfondan asılı deyil. 
“Watch Style” və “Watch Sport” ABŞ-da bu gündən satışa çıxarılacaq. Bir qədər sonra isə Cənubi Koreya, Kanada, Britaniya, Tayvan, Səudiyyə Ərəbistanı, Cənubi Afrika Respublikası, Birləşmiş Ərəb Əmirlikləri və Rusiyada satışlar başlayacaq. “Style” modelinin qiyməti 250 dollar, “Sport” modelinin qiyməti isə 350 dollar olacaq.
