“Samsung Galaxy S9” və “S9+” smartfonları gələn ilin mart ayında istifadəyə veriləcək.”Ictinfo.az” “dni24.com” resursuna istinadən bildirir ki,onun istehsalına isə gələn aydan başlanması gözlənilir.Bildirilir ki, “Samsung”-un yeni qurğularının hazırlamasında 5 şirkət iştirak edəcək. Artıq “Substrate Like PCB” komplektləşdirən əsas detalların çatdırılması həyata keçirib.Məlumdur ki,smartfonda daha çox tutumlu akkumulyator yerləşəcək. Belə ki,batareyaların həcmi müvafiq olaraq 3200 və 3800 mAs təşkil edəcək
“Galaxy S9” və “Galaxy S9+” smartfonlarının dizaynında heç bir dəyişiklik olmasa da texniki xüsusiyyətləri fərqlənəcək.Bundan başqa qurğularda 5,8 və 6,2 düym diaqonallı çərçivəsiz “Super AMOLED” displey olacaq.
Bildirilir ki, “Galaxy S9” və “Galaxy S9+” 10 nanometrlik “Qualcomm Snapdragon 845” prosessoru bazasında ilk və bir müddət yeganə smartfonlar olacaq. Yeni çipdən ABŞ bazarı üçün nəzərdə tutulan “Galaxy S9” modellərində istifadə ediləcək, digər regionlar üçün smartfonun əsasını 10 nanometrlik “Samsung Exynos 9810” platforması təşkil edəcək.
“Galaxy S9+” versiyasının böyük ekranla yanaşı, “Galaxy S9”-da quraşdırılan 4 giqabayta nisbətdə iritutumlu – 6 giqabaytlıq operativ yaddaş, eləcə də “Galaxy Note 8” modelində olduğu kimi, qoşa kamera ilə təchiz ediləcəyi gözlənilir. Bundan başqa, modellər 64 giqabaytlıq quraşdırılmış yaddaş, “microSD” kartları üçün slot və 3,5 millimetrlik çıxışla təchiz olunacaq. Həmçinin “AKG” stereodinamikləri qeyd edilir.
Tək və ya qoşa kameradan asılı olmayaraq hər iki smartfonun arxa panel elementləri barmaq izi skaneri kamera modulu altında olmaqla vertikal şəkilli olacaq.
“Samsung” smartfonlarının təqdimatı fevral ayında Barselonada baş tutacaq “MWC-2018” sərgisində baş tutacaq.
