Galaxy S7 edge və S7 smartfonlarını bu gündən etibarən rəsmi olaraq əldə edə bilrəsiniz.
SmartFOnlar əvvəlki seriyadan fərqli olaraq bir çox yeni funksiyalarla təchiz olunub və təkmilləşdirilib.
5,1 düym (≈13sm) ölçülü Galaxy S7 və 5,5 düym (≈14sm) ölçülü Galaxy S7 edge, 3D şüşə və metalın istifadəsi ilə yaradılıb və unikal dizaynı ilə fərqlənir.
Əsas kamerası 12 MP və ön kamerası 5 MP olan smartfon əvvəlki seriyadan fəqli olaraq Dual Pixel texnologiyasını dəstəkləyir. Bu o deməkdir ki, professional fotoapparatlarda olduğu kimi hər bir pixel fokuslamada iştirak edir, obyektləri daha tez fokuslayır və təkmilləşdirilmiş F1.7 linza hesabına qaranlıq şəraitdə və sürətli hərəkətdə də aydın şəkillər çəkməyə imkan verir. “Beauty mode” rejimi isə, selfie çəkilişində üzü təbii işıq effekti ilə daha aydın qeydə alır.
Smartfonun ən vacib xüsusiyyətlərindən biri, suya və toza qarşı davamlılığıdır (İP68). Smartfon suda yarım saatadək, 1,5 metrilk dərinlikdə qala bilir. Artıq yağışdan, təsadüfən telefonun suya düşməsindən narahat olmağa ehtiyac yoxdur.
Batareyaya gəldikdə isə, smartfon Octa core (2.3GHz Quad + 1.6GHz Quad), 64 bit, 14 nm, 4GB RAM ilə təchiz olunmuşdur və yeni soyutma sistemi ilə əvvəlki seriya modelindən 63% daha güclü göstəricilərə malikdir. Artırılmış batareya həcmi (3,000 mA/s və 3,600 mA/s) və daha sürətli simli və simsiz enerji doldurma Galaxy S7 smartfonlarından istifadəni daha da rahat və uzun edir.
Oyun həvəskarları da yeni seriyada diqqətdən kənarda qalmayıb. Mobil telefonlarda ilk dəfə istifadə olunan Vulkan Api sayəsində detallı qrafika və sürətli göstərici ilə oyundan həzz ala biləcəksiniz. Game launcher və Game Tools mobil əlavələri smartfonu daha az enerji sərfiyyatı rejiminə keçirir, sms və zəng qəbulunun oyun oynanıldığı zaman söndürülməsini və sizin sırf oyuna köklənməyinizi təmin edir. Siz həmçinin oyunları video və screenshot şəklində qeydə ala, yaddaşda saxlaya və dostlarınızla paylaşa bilərsiniz.
Dual Sim kart dəstəyi və yaddaşın microSD ilə 200 GB-a qədər artırılması imkanı isə çoxdan gözlənilən parametrlər idi. İkinci smart-slotu siz həm yaddaşın artırılmasına, həm də ikinci sim kart üçün istifadə edə bilərsiniz.
Qeyd edək ki, Samsungun bütün flaqman modelləri kimi S7 və S7 edge də Gear VR reallıq eynəklərini dəstəkləyir. Bu eynəkləri istifadə etməklə, Galaxy S7 smartfonları Sizə inanılmaz 360º virtual reallıq təcrübəsi yaşadacaq. Bu cihazla özünüzü virtual reallığın içində hiss edəcəksiniz.
Sonda qeyd etmək istərdik ki, əvvəlki S6 Edge modelindən fərqli olaraq, S7 edge modelində qövsvari hissə bir qədər genişləndirilməklə əldə daha rahat tutulma təmin olunmuşdur.
Smartfonları İntegralplus mağazalar şəbəkəsindən və ya Azercell-in digər rəsmi dilerlərindən alan hər kəs, Azercell-dən yarım il müddətinə, aylıq 5GB internet paketi hədiyyə alır!
Baku Electronics mağazalar şəbəkəsində isə, smartfonları 6 aylıq faizsiz kreditlə əldə etmək mümkündür.
Galaxy S7 smartfonunun qiyməti 1,299 AZN, Galaxy S7 edge smartfonunun qiyməti isə 1,399 AZN-dir.
