“Samsung” “Galaxy Note 7” smartfonunu əvəz edəcək modelin avqustun 23-də istifadəyə verəcəyini təsdiq etdi.”Ictinfo.az” “hi-tech.mail.ru”-ya istinadən bildirir ki,qurğu ilk öncə ABŞ, Böyük Britaniya və Cənubi Koreyada satışa çıxacaq.
“Samsung Galaxy Note 8” 6,3 düym diaqonallı daha böyük 2960 x 1440 təsvir ölçülü, “Quad HD+” təsvir ölçüsülü, “Infinity Display” ekranla təchiz ediləcək. Qurğunun əsasını “Qualcomm Snapdragon 835” (və ya Snapdragon 836) yaxud “Exynos 8895” prosessorları, 6 giqabaytlıq operativ və 256 giqabaytadək quraşdırılmış yaddaş təşkil edəcək.
“Galaxy Note 8” Cənubi Koreya istehsalçısının ilk ikikameralı smartfonu ola bilər.Bundan əlavə, akkumulyator tutumu 3300 milliamper/saata bərabər olacaq smartfon “Android 7.1.1 Nougat” əməliyyat sisteminin idarəetməsi ilə işləyəcək.
“Galaxy Note 8” modelinin qiyməti Cənubi Koreyada təqribən 1000 dollar, Avropa, Cənubi və Şimali Amerikada 1100 dollar təşkil edəcək.
