Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun elan etdiyi növbəti qrant müsabiqəsi üzrə layihələrin qəbulu davam edir.Qrant müsabiqəsinə layihələrin qeydiyyatı sabah başa çatır.
Qeyd edilib ki, müsabiqəyə qeydiyyat sentyabrın 1-də, saat 18:00-da başa çatır. Belə ki, bu müddətdən sonra layihələr müsabiqəyə qəbul edilməyəcək.Müsabiqəyə qəbul edilən startapların adı və sayının isə sentyabrın 2-də açıqlanacağı gözlənilir.
Müsabiqədə iştirakla bağlı əlavə məlumat almaq üçün 012 538 37 87/88 əlaqə nömrələri və ya info@ictfund.gov.az elektron ünvanı vasitəsilə Fonda müraciət edə bilərsiniz.
Xatırladaq ki, qrant müsabiqəsinə üç istiqamət – E-xidmətlər üzrə texnologiya və həllərin inkişafı və kommersiyalaşdırılması, innovativ İKT məhsulları nümunələrinin hazırlanması, innovativ infrastrukturun inkişafı, o cümlədən yeni texnologiyaların inkişafı və onların kommersiyalaşdırılması istiqamətləri üzrə layihələr qəbul edilir.
