ABŞ-ın Stenford Universitetin alimləri hesab edirlər ki, yüksək sürətli internetin ötürülməsi üçün kilometrlərlə istifadə edilən optik lif gələcəkdə zəlzələlərin olacağını əvvəlcədən xəbər verilməsi üçün istifadə edilə bilər.
“Ictinfo.az” “4pda.ru” resursuna istinadən bildirir ki,bunun üçün tədqiqatçılar fiber-optik xətlərin yerdəyişilməsi ilə seysmik fəallığı aşkar edən texnologiya hazırladılar.
Xüsusi lazer tənzimçilər yerdəyişmələri izləyir və güc və təkanların istiqaməti haqqında informasiyanı göndərir. Sistem seysmik dalğaların müxtəlif növlərini aşkar etməklə təhlükənin ciddiliyini müəyyən etmək, həm də çox əhəmiyyətsiz,əvvəllər nəzərə alınmayan lokal zəlzələləri də qeyd edə bilər.
Yeni metod plastik borulara yerləşdirilmiş mövcud fiber-optik xətlərdən istifadəni nəzərdə tutur.
Düzdür, bu ideyanın həyata keçirilməsi istiqamətində bir çox problemlər var. Onlardan biri fiber-optik şəbəkənin əhatə dairəsinin məhdud olmasıdır.Yəni belə sistem kənd rayonlarında işləməyə bilər. Hal-hazırda tədqiqatçılar universitetin ətrafında 3 mil radiusda nümunə şəbəkə yaradıblar. Buna görə,texnologiyanın şəhər və ya ölkənin daxilində necə işləyəcəyi məlum deyil.
