“Nokia”-nın yenilənmiş ənənəvi “3310” modeli haqqında müzakirələr səngiməmiş şirkət daha bir düyməli qurğusunu istifadəyə verəcəyini elan etdi. Qurğunun yeni versiyası artıq “TA-1017” adı altında Çin Sertifikatlaşdırma Mərkəzindən qeydiyyatdan keçdi. Ancaq bu hələ son deyil, çünki ad yenə dəyişə bilərlər. Şirkət rəhbərliyi düyməli telefonların erasının hələ bitmədiyi qənaətindədir.
“Ictinfo.az” “dni24.com”-a istinadən bildirir ki,hələlik telefonun texniki xarakteristikaları haqqında məlumat yoxdur. Fərziyyələrə əsasən qurğunun yeni versiyası iki SIM-kart dəstəyi ilə ənənəvi populyar dizaynı alacaq. Ehtimal ki, “Nokia” şirkətinin yeni düyməli telefonu “3G” əlaqəni dəstəkləməyəcək.
