Yeni nəsil “Nokia” smartfonları “Android” əməliyyat sisteminin idarəetməsi altında fəaliyyət göstərəcək. İstifadəçilərin böyük marağına səbəb olan bu xəbər şirkətin rəsmi blokunda yer alıb.Məlumatda bildirilir ki,avqustda “Android” əməliyyat sisteminin idarəetməsi ilə işləyəcək yeni “Nokia 8” smartfonunun nümayişini planlaşdırılır. Artıq şirkət avqustun 16-da Londonda keçiriləcək tədbirə dəvətnamələr də göndərib. Dəvətdə şirkətin 13 meqapikselli “Carl Zeiss” kamerası ilə təchiz edilən yeni “Nokia 8” smartfonunun təqdim ediləcəyi bildirilir.
“Ictinfo.az” “androidinsider.ru”-ya istinadən bildirir ki, “Nokia” şirkətinin Almaniyanın optik avadanlıq istehsalçısı ilə əməkdaşlığının onu uğur gətirəcəyinin bildirib.Əslində “Nokia” 2004-cü ildən “Zeiss” ilə əməkdaşlıq edib. 2005-ci ildə “Zeiss” optikasının quraşdırıldığı “Nokia N” seriyalı ilk telefonlar buraxılıb. Sonradan optikadan “Lumia” smartfonlarının “PureView” kamerasında istifadə olunub. Məşhur modellərdən 41 meqapikselli “Nokia 808 PureView” və eyni təsvir ölçülü “Lumia 1020” modellərini qeyd etmək olar.
Məlumata görə, , “Nokia 8” smartfonu nazik çərçivəli və bükük ekranla təchiz ediləcək. Aparat qara, qızıl, göy və bənövşəyi daxil olmaqla bir neçə rəngdə buraxılacaq.Eyni zamnda internetdə mis rəngli modelin fotoşəkilləri yayılıb.
Qurğu 5,3 düymlük “QHD” təsvir ölçülü ekran, “Snapdragon 835” prosessoru, 4 və ya 6 QB-lıq əməli yaddaş və 64 QB-lıq daxili yaddaş qurğusu ilə təchiz ediləcək.
