Güman edildiyi kimi bu gün Çində təqdim edilən yeni “Nokia 7″ smartfonu böyük rəğbətlə qarşılandı.”Nokia 7” arxa paneli “Corning Gorilla Glass”-ın vakkum şüşəsi ilə “HMD Global”-ın ilk smartfonu oldu.
Smartfonun ümumi korpusu davamlı alüminiumdan istehsal edilmişdir. Qurğunun korpusu “IP54” dərəcəsi üzrə tozdan və su damcılardan qorunur.
“Ictinfo.az” “ixbt.com” resursuna istinadən bildirir ki,smartfonun əsasını səkkiznüvəli “Qualcomm Snapdragon 630” prosessoru, 4 və ya 6 giqabaytlıq operativ və “microSD” formatlı yaddaş kartları ilə 128 giqabayt tutumadək genişləndirmə imkanına malik 64 giqabaytlıq quraşdırılmış yaddaş təşkil edir. Akkumulyatorun tutumu 3 min milliamper/saata bərabərdir.
“Nokia 7″ barmaq izi skaneri, 16 meqapikselli əsas və 5 meqapikselli ön kamera və “Full HD” (1920 х 1080 piksel) təsvir ölçülü 5,2 düym diaqonallı ekran ilə təchiz edilib.”Gorilla Glass 3” şüşə panel ekranın müdafiəsini təmin edir.
Yeniliyin xarakteristikalarının siyahısında onun iki SİM kartdan istifadə, “4G VoLTE”, “Wi-Fi” (802.11 ac), “Bluetooth 5”, “GPS” dəstəklədiyi, eləcə də “USB Type-C” portu və qulaqcıqlar üçün 3,5 mm-lik çıxış nəzərdə tutulduğu qeyd edilir.”Android 7.1.1″ əməliyyat sistemi ilə (“Android”-in səkkizinci versiyasına qədər yeniləmə olacaq) təchiz edilib.
Smartfonun ölçüsü 141,2 x 71,45 x 7,92 millimetr.
“Nokia 7” klassik ağ, qara rəngdə təklif ediləcək. 4 QB əməli yaddaş qurğusu ilə versiyanın qiyməti təxminən 380 dollar,6 QB əməli yaddaş ilə versiya ondan 30 dollar bahalı olacaq. Yeniliyin Çindən kənarada nə vaxt satılacağı açıqlanmır.
