Bu gün Naxçıvan Nuxtar Respublikasında bütün yaşayış məntəqələrində sabit rəqəmsal telefon xidməti göstərilir. Rabitə və Yeni Texnologiyalar Nazirliyindən verilən məlumata görə, Naxçıvan şəhərində və bütün rayon mərkəzlərində asinxron rəqəmsal istifadəçi xətləri üzərindən genişzolaqlı internet və lokal şəbəkə xidmətləri fəaliyyət göstərir. Həmçinin 3 GSM mobil operatoru və 1 CDMA simsiz rabitə şəbəkəsi yaşayış ərazilərini keyfiyyətli mobil rabitə ilə təmin edir. Bu gün artıq muxtar respublikada yaşayış məntəqələrinin 83 faizdən çoxunu əhatə edən simsiz rabitə şəbəkəsi istifadəyə verilərək, “Naxtel” abunəçilərinin sayı 5 mini ötübür. Həmçinin bu şəbəkə üzərindən simsiz internet xidməti yaradılaraq, muxtar respublika əhalisinin sürətli internetə çıxışı təmin olunub. “Naxtel”in 90 ədəd 4G LTE 4-cü nəsil baza stansiyası qurulub istismara hazır vəziyyətə gətirilmişdir. Bundan əlavə, “Naxtel”in Billing sistemi üçün əsas və ehtiyat server avadanlıqları Naxçıvana gətirilərək qurulması təmin edilib.
