“Nar” qonşu ölkələrlə rouminq qiymətlərinə 80 faizədək endirim etdi

“Nar” qonşu ölkələrlə rouminq qiymətlərinə 80 faizədək endirim etdi

“Nar” operatoru “1 zona – 1 qiymət” sisteminə “Qonşu ölkələr” adlı yeni zona əlavə edib. Belə ki, bu zonaya Azərbaycana ən yaxın qonşu ölkələr – Gürcüstan, Rusiya, Türkiyə, İran və Qazaxıstan daxildir. Azərbaycan vətəndaşlarının bu ölkələrə daha çox səfər etdiklərini nəzərə alan “Nar”, müştərilərin rahatlığı üçün rouminq qiymətlərində 80 faizədək endirim edib.Şirkətdən bildirilib ki, “Nar” operatorunun rouminq qiymətləri zonalara əsasən müəyyən olunur. Zona daxilində seçilən xarici mobil operatordan asılı olmayaraq, qiymətlər sabitdir. Bundan başqa, “Nar” nömrələrində rouminq xidmətini aktivləşdirmək üçün heç bir depozit balansa ehtiyac yoxdur. “Nar” nömrələrində bu xidmət, bir qayda olaraq, öncədən aktiv statusda olur.

Yeni zonalar, rouminq qiymətləri və rouminq xidmətindən istifadə haqqında ətraflı məlumatı nar.az saytından öyrənmək olar.