“HMD Global” şirkətinin hazırladığı “Nokia 3310” yenilənmiş mobil telefonu gələn ay Avropa bazarına satışa çıxarılacaq.Yeni “Nokia 3310” 320х240 piksel təsvir ölçülü 2,4 düym ekranla təchiz edilib. Həmçinin qurğu 2 meqapikselli kameraya malikdir və “microSD” yaddaş kartını dəstəkləyir. Əvvəlki modellə müqayisədə telefon çox nazik və yüngüldür.
İstehsalçı nümayəndələrinin sözlərinə görə, bir dəfə enerji ilə doldurulan batareya 22 saatlıq danışıq üçün kifayət edir ki, bu da orijinal qurğuya nisbətdə 10 dəfə çoxdur.
“Ictinfo.az” “dni24.com”-a istinadən bildirir ki, boz, qara, göy, qırmızı və sarı rənglərlə satışa çıxarılacaq telefonun qiyməti 49 avro təşkil edəcək.
Qeyd edək ki, 2000-ci ilin sonunda buraxılan “Nokia 3310” modelinin satışı 126 milyonu ötüb.
Şirkət nümayəndələri qeyd edirlər ki, qurğu satışa çıxmamışı rekord sayda sifariş qəbul olunub. Sifarişlər günbəgün artmaqdadır.Uzun bir alıcı siyahısı istifadəçilərin bu telefona sədaqətinin nümunəsidir.
Yenilənmiş qurğunun satışları cari ilin 2-ci rübündən başlanmalıdır. Bununla birlikdə “Nokia 3310”-a endirim təklif edilir. Bunun üçün “Vodafone” operatorunun müasir mobil əlaqəsinin illik proqramına qoşulmaq lazımdır.
