Azərbaycanın ilk musiqili internet televiziyası olan “MUZ TV Azərbaycan” peyk yayımına başlayır.
Televiziya ilə “Azərkosmos”ASC arasında əldə olunmuş razılığa əsasən, kanal bu gündən etibarən “Azerspace-1” peyki vasitəsilə 13975 V/11174,4 H tezliyi ilə yayımlanacaq.
Qeyd edək ki, “MUZ TV Azərbaycan” 11 may 2012-ci il tarixindən yayıma başlayıb və musiqi mədəniyyətinin təbliği istiqamətində ixtisaslaşıb. Musiqiçilərin, aktyorların, sənətçilərin – fərqli simaların göründüyü televiziya ilk yayıma başladığı gündən, musiqiylə bağlı informasiya bürosu eksklüziv xəbərlər, proqramlar hazırlayır. Azərbaycan estradasının, milli musiqinin klassik ənənəsinin və müasir inkişafının təqdimatçısı kimi çıxış edən yeganə televiziya resursudur.
“MUZ TV Azərbaycan” yeni musiqiçilər nəslinin yetişdirilməsi, gənc istedadların üzə çıxarılması, onların peşəkar musiqiyə istiqamətləndirilməsi ilə bağlı da müxtəlif layihələr həyata keçirir.
