Mobil internetdən istifadə edənlər bəzi hallarda internet paketinin tez bitməsindən şikayət edirlər.Hətta buna görə mobil operatorlar haqqında müxtəlif ittihamlar səsləndirirlər. “Google” şirkətinin tətbiq etdiyi yeni prorqam trafikin hara sərf olunması ilə bağlı suala cavab tapmaqda kömək edəcək.Belə ki, şirkət “Android” platformasında çalışan qurğuların proqramlardan istifadə zamanı internet-trafikin istehlakına nəzarət etməyə kömək edəcək “Datally” proqramını istifadəyə verdi.
“Ictinfo.az” “itc.ua” resursuna istinadən bildirir ki,”Datally”-ın köməyi ilə istifadəçi yüklənən proqramlara sərf edilən trafikin istehlak həcmini görə bilər. Statistika günlər, həftələr və aylar üzrə bölünmüşdür. Ehtiyac olduğu halda mobil internetdən ən çox və ya ən az trafik tələb edən proqramları bloklamaq olar.Əlavə olaraq “Datally” yaxınlıqda Wi-Fi şəbəkələrin olduğu yerlərin siyahısın çıxarır və onlara qoşulmağı təklif edir.
Proqramı “Google Play” mağazasından pulsuz yükləmək mümkündür.
