“Microsoft” “iOS” və “Android” üçün “Skype” sonuncu yeniləməsində “Cortana” intellektual köməkçisini əlavə etdi.
Ünsiyyət insan həyatının ayrılmaz hissəsidir. İnsanlar xəbərlərlər və ideyaları bölüşmək, ailə və ya dostlarla birgə vaxt keçirməyi planlaşdırmaq və s. üçün bir-biri ilə ünsiyyət saxlayırlar.Çox vaxt danışıq vaxtı tez-tez əlavə məlumatlar göstərmək lazım olur. Bu məlumatların ən qısa müddətdə axtarışı üçün müxtəlif proqramlardan istifadə olunur.”Skype”-da informasiyanı maksimal şəkildə cəld tapılması üçün “Cortana” intellektual köməkçisindən istifadə etmək imkanı əlavə edilmişdi.
“Ictinfo.az” “macdigger.ru”-ya istinadən bildirir ki,”Cortana” istifadəçinin çatı əsasında məsələn:ən yaxın restoranları və ya şəhərin kinoteatrlarında filmlərin afişalarını təklif edə bilər. Əgər istifadəçinin vaxtı azdırsa onda tez smart-assistent mesaja cavab verməyə kömək edəcək.
“Microsoft”-un intellektual köməkçisi istifadəçiyə öz gününü təşkil etməyə kömək edəcək. “Cortana” hadisələrin planlaşdırılması haqqında söhbət getdiyini bildikdə xatırlatmanı etməyi təklif edəcək. Onu köməkçi qoşulacaq bütün qurğularda istifadə etmək olacaq.
Bundan başqa,”Cortana” ilə insan kimi danışmaq olar. Ondan ən yaxın günlərin hava proqnozunu və ya sevimli serialda əsas aktyorun adını öyrənmək olar. “Ağıllı” “Microsoft” köməkçisi ilə istənilən gün daha məhsuldar və şən olacaq.
Artıq “Skype” üçün “Cortana” ABŞ-da əlçatan oldu. Yaxın vaxtlarda yeniləmədən başqa ölkələrin istifadəçiləri də faydalana biləcək.
