Microsoft Avropada bulud texnologiyalarına 3 milyard dollardan artıq sərmayə yatırıb

Microsoft Avropada bulud texnologiyalarına 3 milyard dollardan artıq sərmayə yatırıb

Son bir il ərzində Microsoft Avropadaki bulud gücünü iki dəfə artırıb və bu günə qədər 3 milyard dollardan artıq sərmayə yatırıb. 2017-ci ildən başlayaraq Microsoft Fransadakı data mərkəzlərindən Microsoft Bulud təklif etmək niyyətindədir.
Microsoft-un CEO-su Satya Nadella İrlandiyanın Dublin şəhərində 2000 iş adamı və sahibkarla görüşərək Avropada bulud sərmayələri haqqında yeni detalları paylaşıb: “Biz Avropa müştəri və tərəfdaşlarımızın artan tələbatını ödəmək məqsədilə bulud infrastrukturuna böyük sərmayələri davam etdiririk. Qlobal, etibarlı və ağıllı bulud platformasının inşası “Planetimizdə hər bir fərdin və təşkilatın yüksəklərə nail olmasını dəstəkləmək” Missiyamızın özülüdür. Avropa təşkilatları üçün Microsoft Bulud vasitəsi ilə yeni inkişaf və fürsətlərdən bəhrələnmək üçün bundan daha əlverişli bir vaxt olmayıb.”