“Mail.Ru Group” mobil oyunlar tərtibatçısı “Pixonic” şirkətini satın alıb.RBK-nın verdiyi xəbərə görə, sövdələşmənin dəyəri 30 milyon dollar təşkil edib.“Pixonic” 2009-cu ildə yaradılıb. Şirkətin ən populyar məhsulu “War Robots” oyunudur. Ötən ay bu oyunun yüklənmə sayı 20 milyonu ötüb. Oyun ABŞ, Yaponiya, Çin, Almaniya, Cənubi Koreya kimi ölkələrdə populyardır.2015-ci ilin yekunlarına əsasən “Pixonic”in gəliri 456 milyon rubl, bu ilin ilk yarısında isə 619 milyon rubl olub. “Mail.Ru”nun baş direktoru Dmitri Qrişin bildirib ki, birləşmə beynəlxalq oyun tərtibatı işini gücləndirməyə imkan verəcək.
“Pixonic”in rəhbəri Filipp Qladkov isə birləşmənin “War Robots”un auditoriyasını genişləndirməyə və yeni dünya səviyyəli hitlər buraxmağa şərait yaradacağını söyləyib. O, öz müstəqilliklərini qoruyub saxlayacaqlarını da əlavə edib.
