Fərdi kompüterlər üçün yardımçı qurğuların istehsalı ilə məşğul olan “Logitech” şirkəti virtual reallıq kaskasında mətni yığaraq interfeysi idarə etməyə imkan verən fiziki klaviaturanın virtual reallığa inteqrasiyası sistemini hazırlayıb.
“Ictinfo.az” “hitech.newsru.ru” saytına istinadən bildirir ki, şirkətin təqdim etdiyi sistem prototipində “HTC Vive” virtual reallıq kaskası (klaviaturaya bərkidilən və onun kaskaya nisbətdə vəziyyətini izləməyə imkan verən xüsusi kontroller), eləcə də virtual reallıqda klaviatura modelləri və istifadəçi əllərini yaradan proqram təminatından istifadə olunur
Hal-hazırda şirkət sistemin beta-versiyasını yoxlayır və noyabrın ortasına qədər proqramların istehsalçılarından prototipin çatdırılmasına sifarişləri qəbul edir.”Logitech” sifarişlərin qəbulu istiqamətində 50 istehsalçıya “Logitech G” kontroller və proqram təminatı seriyasının klaviaturasından ibarət olan dəstləri göndərməyi planlaşdırır. Sistemin ticarət versiyasının yaranmasının müddətləri dəqiqləşmir.Amma məlumdur ki, dəstin qiyməti 150 ABŞ dolları təşkil edəcək.
Qeyd edək ki, müxtəlif ölkələrdən tədqiqatçılar virtual reallıqla qarşılıqlı təsirin müxtəlif texnologiyaları üzərində işləyirlər. Məsələn, bu ilin aprelində Xasso Plattnera (Potsdam) İnstitutundan tədqiqatçılar qrupu əzələlərin elektrostimulyasiyasının köməyi ilə virtual reallıqda divarlarla və böyük obyektlərlə qarşılıqlı təsirdən hisləri təqlid edən sistemi təqdim etdi.
