Nəqliyyat,Rabitə və Yüksək Texnologiyalar Nazirliyinin Radio Televiziya yayımı və Peyk rabitəsi İstehsalat Birliyi (Teleradio İB) tərəfindən Azərbaycanın efir məkanında bu gün saat 06:00-dan başlanılan kompleks profilaktika işlərinin saat 15:00-da başa çatdırılması nəzərdə tutulub. Bu müddətdə birliyin stansiyaları vasitəsi ilə ölkə ərazisində yayımlanan radio və televiziya proqramlarının yayımında fasilə davam edəcək.
Kompleks profilaktika bütün avadanlığın texniki vəziyyətinin yoxlanılmasını nəzərdə tutur. Prosedur texniki problemlərlə üzləşməmək baxımından zəruri xarakter daşıyır. Belə ki, teleradio yayımı avadanlığı fasiləsiz olaraq 7/24 rejimində işləyir.
