Bu gün xəbər saytlarında QWERTY-klaviaturalı “Lumia 950” və “Nokia RX-100” smartfonlarının prptotiplərinin fotoları yayılıb. Maraqlıdır ki, “Lumia 950” haqqında informasiya ilk dəfə hələ 2015-ci ildə çıxsa da, yalnız indi onların fotoları təqdim edilir.
“Ictinfo.az” “4pda.ru”-ya istinadən bildirir ki,anonim mənbələrdən insayderlər şirkətin daxili istifadəsi üçün nəzərdə tutulmuş “Lumia 950” və “950 XL” haqqlnda videoyazı əldə etdilər. Materiallarda görünür ki,”Microsoft ” bu xətti flaqman etməyi planlaşdırırdı.
“Microsoft”-un daha bir prototipini xatırladaq – 3D-jestlərlə idarə olunan “Lumia McLaren” qurğusu. Videoda görünür ki, “Lumia 950” həmçinin bu funksiyanın analoqunu ala bilirdi. “Ağıllı” smartfon nə vaxt istifadəçi onu əlinə götürdüyünü bilərək, aktiv olur.
Ancaq bu qurğuların “Nokia” və “Microsoft”-un tarixində qalacağı bildirilir və heç vaxt satışa daxil olmayacağı qeyd edilir. Eyni zamanda şirkət bu texnologiyalardan smartfonların yeni nəsillərində,məsələn “Surface Phone”-da istifadə edə bilər.
