Kibercinayətkarlıq 2016-cı ilin sonunadək dünya iqtisadiyyatına təxminən 650 milyard dollar məbləğində ziyan vuracaq. Ekspertlərin fikrincə, bu rəqəm 2020-ci ilədək 1 trilyon dolları ötə bilər. Bu fikirləri oktyabrın 6-8-də keçirilən “360° informasiya təhlükəsizliyi” konfransında iştirak edən ekspertlərdən biri səsləndirib.“ICTnews” “DNI24” resursuna istinadən yazır ki, mütəxəssislərin fikrincə, dünya əhalisinin təxminən 25 faizi həm fərdi, həm korporativ məlumat sızmasından əziyyət çəkəcək. Bu, tənzimləyici tədbirlərin əhəmiyyətli dərəcədə sərtləşməsinə, eləcə də müxtəlif istifadəçi autentifikasiya sistemlərinin yaxşılaşmasına səbəb olacaq.
İlkin olaraq telemetrik avtorizənin tətbiq ediləcəyi gözlənilir ki, bu da bank əməliyyatlarının sayını xeyli artırmağa imkan verəcək. Bu növ cinayətlərlə əlaqədar daha bir problem hakerlərin məlumatları silərək nəzərəçarpacaq “fiziki”, bəzi hallarda isə kompüter texnikasının real “fiziki” məhv edərək ziyan vurmasındadır.
