“Təhsildə İnnovativ Texnologiyalar” Əlavə Təhsil Mərkəzi tədris prosesində innovativ texnologiyaların və yeni standartların tətbiqindən əlavə informasiya və kommunikasiya texnologiyaları sahəsində də ixtisaslaşmağı hədəfləmişdir. Belə ki, ITE təlim mərkəzinin nəzdində yeni yaradılmış “Cisco Şəbəkə Akademiyası” informasiya texnologiyaları sahəsində bilik və bacarıqlarını artırmaq istəyən mütəxəssislər və eyni zamanda bu sahəyə marağı olan universitet tələbələri üçün nəzərdə tutulmuşdur. Akademiyada təklif olunan aşağıdakı təlim kursları iştirakçılara şəbəkə inzibatçılığı sahəsində başlanğıc və yüksək səviyyəli biliklərin öyrədilməsi ilə yanaşı, onlara yeni karyera qurmaq və mövcud karyeralarında yüksəlmək üçün aşağıda qeyd olunan istiqamətlərdə geniş imkanlar yaradacaq:
- Get Connected
- IT Essentials
- Cisco CCENT
- Cisco CCNA Routing and Switching
- Cisco CCNA Security
- Cisco CCNP Routing and Switching
Dünyanın 170-dən çox ölkəsində fəaliyyət göstərən Cisco Şəbəkə Akademiyasında dərslər təsdiqlənmiş kurikuluma əsasən peşəkar, sertifikatlı mütəxəssislər tərəfindən keçirilir. Təlim kurslarında iştirak etməklə akademiya tələbələri yeni şəbəkələri, şəbəkə inzibatçılığını, təhlükəsizlik və bulud texnologiyalarının nəzəriyyəsini öyrənir, təqdim olunan materiallardan, təlimatçının köməyindən, praktiki laboratoriyalarda real və simulyativ modelləşdirmə alətlərindən istifadə edərək biliklərini real təcrübədə tətbiq etməklə imtahana hazırlaşırlar. İmtahandan uğurla keçən tələbələr bütün dünyada tanınan “Cisco Şəbəkə Akademiyası”nın sertifikatına sahib olacaqlar ki, bu da öz növbəsində onlar üçün sonsuz sayda karyera imkanları yaratmış olacaq. Xatırladaq ki, yaxın günlərdə yuxarıda qeyd edilən təlim kurslarının keçirilmə tarixi haqqında ətraflı məlumat veriləcək. İnformasiya texnologiyaları sahəsinə marağı olan, bu sahədə karyera qurmaq istəyən və cari karyerasında yüksəliş əldə etmək istəyən hər bir kəsi yeni açılmış Cisco Şəbəkə Akademiyamızda gözləyirik. Ətraflı məlumat üçün aşağıdakı linkə daxil ola və ya Akademiya koordinatoru ilə əlaqə saxlaya bilərsiniz.
Link: Cisco Şəbəkə Akademiyası
Koordinator: Rüfət Cəlilov
Mob: 050 501 11 01
Email: rufat.j@ite.az
