Nyu-Yorkda “iPhone 7” smartfonunu əldə etmək üçün növbəyə dayananlardan bəziləri öz növbələrini satmağa başlayıb. İKT.lent.az-ın “Mac Rumors”a istinadən verdiyi xəbərə görə, yeni smartfonlar üçün ən böyük ajiotaj məhz bu şəhərdə müşahidə olunur.Bir çox potensial alıcı 5-ci avenyudakı “Apple Store”da ötən həftə sonundan formalaşmağa başlayan növbədə yer tutub. Bəzi insanlar mağaza ətrafında çadır quraraq satışın startını gözləyir. Növbədə ilk sıralarda olan bəzi şəxslərin öz sırasını 2,5 min dollara satdıqları barədə məlumatlar var. Satış sentyabrın 16-da başlayacaq.
Qeyd edək ki, internet vasitəsilə qəbul olunan ön sifarişlə qara rəngli (“black” və “jet black”) “iPhone 7”lər tam satılıb. Real mağazalardakı növbələrin əsas səbəblərindən biri budur.
