Əfsanəvi “Nokia” brendinin yeni flaqman smartfonu “Nokia 9”-un fotoları internet xəbər portallarında nümayiş etdirilir.Bu il Barselonada keçirilən “Mobile World Congress” sərgisində şirkət üç yeni “Nokia” qurğusu təqdim etmişdi ki, onlardan biri də fotoları yayaılan haqqında danışdığımız smartfondur.
“Nokia 9” smartfonu “Quad HD” təsvir ölçülü 5,5 düymlü “OLED” ekran, 12 meqapikselli ön və 22 meqapikselli “Carl-Zeiss” şüşəli əsas ikili kamera, avtonomluğu təmin etməklə “Quick Charge” sürətli enerjidoldurma texnologiyasını dəstəkləyən 3800 milliamper/saat tutumlu batareya ilə təchiz ediləcək.
“Nokia 9 “təmiz” firma əlavələrinin minimal miqdarıyla “Android 7.1.1 Nougat” əməliyyat sistemiylə gətiriləcək. Smartfonun korpusu suya və toza davamlı olacaq. Qurğu, həmçinin barmaq izi skaneri, gözün qüzehli qişası skaneri, “OZO audio” səs texnologiyası, eləcə də 64 və ya 128 giqabaytlıq quraşdırılmış yaddaşla təchiz ediləcək.
Gözlənildiyi kimi, “Nokia 9” elanı bu ilin iyulunda olacaq. Yeniliyin qiyməti 699 dollar təşkil edəcək.Bu, ABŞ-da qiyməti 649 dollara bərabər “Apple” şirkətinin “iPhone 7” smartfon modelindən bahadır.
