“iPhone 7” alışıb maşını yandırdı

“iPhone 7” alışıb maşını yandırdı

ipo-yandAvstraliyada “iPhone 7” smartfonu alışıb və maşını yandırıb. “mobiltelefon.ru” saytının məlumatına görə, “iPhone 7” smartfonunun sahibi çimərliyə gedib və öz smartfonunu enerji ilə doldurmaq üçün maşınında saxlayıb. Üstəlik, onu gündən qorumaq üçün paltarların altında gizlədib.
Sonradan geri qayıtdıqda avtomobilin salonunda güclü tüstülənmə görüb. Məlum olub ki, qabaq oturacaqlar yanır. Hadisənin “günahkarı” isə bir həftə öncə alınan “iPhone 7” smartfonu hesab olunur.
“Apple” şirkətinin nümayəndələri bildirib ki, artıq şirkət hadisədən xəbərdardır və vəziyyəti araşdırır. Smartfonun sahibi isə hesab edir ki, cihazı istifadə etdiyi 7 gün ərzində smartfon fiziki zərər görməyib və orijinal enerji doldurma cihazı ilə doldurulub. Təxmin edilir ki, yanma avtomobilin salonundakı istidən baş verib.
Bu, artıq “iPhone 7” smartfonu ilə bağlı ikinci alışma hadisəsidir. Ancaq birinci hadisədə smartfon ciddi fiziki ziyan görüb ki, bu da akkumulyatorun partlamasına səbəb olub. Hələlik tendensiyalar haqqında danışmağa ehtiyac yoxdur. Ancaq “Samsung Galaxy Note 7” hadisəsindən sonra bu, heç kəsi narahat etməyə bilməz.